I bi aus Woifgong

Lisa Isabella Grabner

Da heilige Woifgong hod im Joa 994 des Beil vom Falkenstoa obaghaut,
Dort wo's glond is hod er unser heitige Kirche erbaut.
San jo a a Wallfah…rtsort,
Kennt ma umadum, den gläubigen Sport.
S'Rössl kennan's auf da gonzn Wöt,
Do steht des Glick vor da Tür,
- Jo de Soch mitn Göd…
D'Woifgonga, songs, schwimman ondas ois ondare,
Oba grod deswegen sama mia,
D'Sunnseitler sama,
Und um des beneidens uns dafia.
Frogt di oana: Wo deaf i di oft numoi hidoa?
Sogst: Jo noch Woifgong, do wo i hinghea!

Es is so sche bei uns do am See.
Es is so sche bei uns do am See.
Es is so sche bei uns do am Woifgongsee.

Im Sommer gehst eina ind'n Ort,
Brauchst ned long schau,
Siagst an asiatischen Touristen,
Der mit seiner Kamera scho auf des nächste Bildmotiv woat.
Wenn don nu mindestens oamoi in da Wochn unsere Musikkapellen spün, am Plotz,
Und die Sommernächte voller sommerlicher Menschen erblühen,
Don woast - du bist in Woifgong,
Des Feeling in da Adventmarktszeit konn nur Woifgong versprühen.

Es is so sche bei uns do am See.
Es is so sche bei uns do am See.
Es is so sche bei uns do am Woifgongsee.

Wennst umadum schaust, do am Leuchtturmplotz,
Host ois vereint:
- Strobl, Abersee, St.Gilgen, Woifgong.
Der Blick auf de Berg umadum,
Der Blick am See,
Es is so sche,
Des hod nu nie wer verneint.
D'Wöt soid ma si onschaun,
Oba s'Schenste is immer wieder,
Wenn ma do her, wenn ma hoamkema ko.
Do san meine Wurzeln,
Do is mei Stomm.
Do bin i geboren,
Do werd i sterben.
Des is unser Plotz - I BI AUS WOIFGONG.

Es is so sche bei uns do am See.
Es is so sche bei uns do am See.
Es is so sche bei uns do am See.

I bi aus Woifgong.
Heiliger Woifgong, an schen Donk.